Accessibility links

пәнҗешәмбе, 8 декабрь 2016, Казан вакыты 21:19

Serbiä Montenegro belän Kosovonı çağıştırmasqa çaqıra


Serbiä tışqı eşlär ministrı Vuk Draşkoviç uzğan yäkşämbe referendumında Serbiädän ayırılu, bäysezlek öçen tawış birgän Montenegro belän Kosovonı çağıştıru bik naçar qarar bulaçaq dide. Helsinkida bulğan ber söyläşüdä çığış yasap Draşkoviç Kosovo statusın bilgeläw turında xalıqara cämäğätçelekneñ härber adımı Balkanda yaña çualışqa kiterä ala dide. Xoquqıy yaqtan Kosovo Serbiäneñ ber öleşe bulsa da, Serb köçläreneñ Kosovo albannarına höcümnären tuqtatu öçen NATO xärbi çaralarınnan soñ, 1999-nçe yıldan birle anda waqıtlıça BMO idaräse citäkçelek itä. Tizdän BMO aradaşlığında Kosovonıñ täğäyen statusı turında söyläşülär başlanır dip kötelä.

XS
SM
MD
LG