Accessibility links

шимбә, 3 декабрь 2016, Казан вакыты 22:51

Oppozitsiä cäyge yalğa kitte


Başqortstannıñ berläşterelgän oppozitsiäse cäyge yallarğa tuqtaldı. 24nçe may yıl eşçänlege mäsäläsenä bağışlanğan matbuğat oçraşuı bulıp ütte. Anda çığış yasağan berläşterelgän oppozitsiä räise Rämil Bignov: "Ciñügä ireştek - bezneñ töp ciñü federäl üzäkneñ işetüe”,- dip belderde. Ul tatar gimnaziäse mäsäläsenä dä federäl üzäk iğtibar itüen äytep, anı respublika prokurorı tikşeräçägen ireşterde.

Çarada bäysez ”Provinsiälnıe vesti” gäzite möxärrire Viktor Şmaqov ta qatnaştı. Ul prokuratura törle yullar belän ğäyep tağarğa tırışuına borçılu belderde, ğädellek ezläp Awropa mäxkämäsenä qädär barıp citärgä ışandırdı.

Ufa kommunistları başı Radmir Yangirov firqä äğzalarınıñ ezärleklänüen ireşterde. Anıñ belän kilgän yäş kommunist Başqort däwlät uniwersitetınıñ roman-german fakultetınıñ 5nçe kurs studentı Timur Bayımbätov üze yäşägän fatirda militsiä tentü ütkärüen söyläde. Tuğanında munça kergändä işekne tıştan teräp ut törtüläre turında ireşterde. Timur Bayımbätov munçağa ut törtüne dä üzeneñ säyäsi qaraşları öçen dip isäpli.

Berläşterelgän oppozitsiä äğzaları cäyge yallar çorında mäxkämäläşülär belän şöğellänäçäklären belderdelär.

XS
SM
MD
LG