Accessibility links

якшәмбе, 4 декабрь 2016, Казан вакыты 11:18

Xämit Qarzai Kandahar wiläyäte xalqın tınıçlanırğa çaqırdı


Äfğän prezidentı Xämit Qarzai bügen ilneñ könyağındağı Kandahar şähärenä kilep iminlek köçläre belän Taliban suğışçıları arasında bäreleşlär bulğan ölkä xalqın tınıçlıqqa çaqırdı. Qarzai cirle aqsaqllarğa Kandahar wiläyätendä 2 ay eçendä iminlek buldırırğa wäğdä birde. Qarzai belän bergä Kandaharğa Äfğänstandağı AQŞ citäkçelegendäge koalitsiä köçläre citäkçese general leytenant Karl Eikenberry da kilde. Ul arada Xalıqara Migratsiä oyışmasınıñ Kandahardağı wäkile Näsim Kärim France press agentlığına soñğı arada bulğan qatı bäreleşlär awıllardağı 3 meñläp keşeneñ öylärennän kitüenä säbäp buldı dide. Koalitsiä bu atnada Kandahar ölkäsendä hawa höcüme belän 80-läp taliban suğışçısı üterelde dip belderde. Äfğän räsmiläre äytüençä ul höcümdä kimendä 16 sivil ülgän. Äfğänstannıñ töp xoquq yaqlaw oyışması sivil qorbannar sanı 30ğa citärgä mömkin di.

XS
SM
MD
LG