2 ay elek ütkän saylawlardan soñ bügen parlament eşkä kereşte, könbatış yaqlı häm Rusiä yaqlı partiälär yaña xökümät tözü turında söyläşülärne däwam itte.
450 urınlı parlamentta prezident Viktor Yuşçenko çığış yasadı.
"Xökümätkä berdäm törkem bularaq Yewropa qimmätläre nigezendä Ukrainanıñ tärräqiäten tä'min itä, il xalqın berläşterä, iqtisadıy reformalarnı canlandıra alırdaylar, keşelärneñ xoquqların häm ireklären saqlıy alırdaylar kerergä tieş" dide Yuşçenko.
Bügenge parlament utırışı başında xäzerge xökümät eştän kitüen belderde.
