Accessibility links

якшәмбе, 4 декабрь 2016, Казан вакыты 02:52

Çallı Rusiä premier-ministrın kötä


Rusiä premyer ministrı Mixail Frankovnıñ yün başlarında Çallığa kilüe kötelä. Şähär matbuğatlarında inde tögäl köne dä äytelä, premyer 1 yündä kiläçäk. Fevral ayında Çallı Mixail Frankovnıñ kilüen kötkän ide, xätta, zurdan qubıp äzerlek eşläre dä alıp barıldı. Bu äzerlek eşlärennän avtomobil'' yörtüçelär ayıruça zıyan kürdelär. Çönki, şähärneñ yul-patrul'' xezmätläre 2-3 atna däwamında, "Maxsus kolonnağa yul bir" digän operatsiä ütkärdelär. Operatsiä barışında, militsiä kolonnasına yul birmägän distälärçä avtomobil'' yörtüçegä ştraf tülärgä turı kilde . Läkin, ul waqıtta, awıru säbäple, didelär, Fradkov äfände Çallığa kilä almadı. Menä xäzer, Rusiä premyerınıñ kilüenä (kilä qalğanda) , sanawlı ğına könnär qalıp kilä. Şähär uramnarında fevral'' ayındağı kebek öyränülär küzätelmi. Rusiä xökümäte citäkçeseneñ säfären Kamaz belän, anıñ üseş yünäleşe belän bäylilär. Ä menä anıñ vizitı turında Kamaz matbuğat üzäge bernindi dä yaña mäğlümatlar birä almadı.

Bolğarğa soñğı säfär?

Räfis Kaşapov räislegendäge TİÜ 10 yıldan artıq borınğı Bolğar cirlärenä barunı oyıştırıp kilde. Qayber yıllarda distälägän avtobuslar belän säyäxät yasalsa, bıyılğısı bik tıynaq - 27 mayda Çallıdan ike ciñel maşina ğına kitäçäk häm anda Bolğar çaraların oyıştıruçılar, büläklär bulaçaq. Tatarstan, Başqortstan, Udmurtiä, Samara häm Orenbur ölkälärennän kilgän säfärçelär öçen körän uqu, azan äytü bäygese, köç sınaşu yarışları oyıştıru ciñüçelärgä büläklär birü küzdä totıla. Rafis Kaşapov äytüençä, alar oyıştırğan Bolğar säfäreneñ bıyılğısı soñğısı da bulırğa mömkin. Çönki, TİÜneñ madti xäle yaxşı tügel, moñarçı säfärgä yärdäm itep kilgän eşmäkärlär nindider säbäplär belän alğa taba iğänäçe buludan baş tartırğa mäcbürlär.

Çallı, Ğafiulla Ğaziz

XS
SM
MD
LG