Accessibility links

җомга, 9 декабрь 2016, Казан вакыты 16:38

İran AQŞnı üç alu belän kisätte


İran tışqı eşlär ministrı Manuçir Mottaqi, ägär dä AQŞ Tährannıñ atom programmasına qarşı xärbi höcüm yasasa Tähran üçen qaytaraçaq dide. Mottaqi äytüençä İran Ğiraqtağı wäzğiät turında AQŞ belän turıdan turı söyläşülär ütkärü mömkinlegen kire qağa. Ğiraqtağı AQŞ ilçese Zalmay Xälilzad iranlılar belän Ğiraq turında söyläşergä äzer buluın beldergän ide. Ämma Mottaqi Tährannıñ Ğiraq turında söyläşülär ütkärü belän qızıqsınuın AQŞ faydalandı dide. Mottaqi amerikannar başqa mäs'älälärne kütärde dide. Ämma açıqlaw kertmäde. Mottaqi Bağdadta Ğiraq tışqı eşlär ministrı Xöşyär Zebari belän urtaq matbuğat oçraşuında çığış yasadı. Mottaqi biredä şulay uq küptän tügel ilneñ yaña xökümäten tözegän premyer ministr Nuri Kamil Äl-Mäliki belän dä oçraşa. Bu 2005-nçe yılnıñ yünendä prezident Mäxmüt Äxmädinicatnıñ İran saylawlarında ciñüennän soñ Ğiraqqa İran yuğarı räsmieneñ berençe märtäbä kilüe.

XS
SM
MD
LG