Accessibility links

сишәмбе, 6 декабрь 2016, Казан вакыты 13:09

Dollarğa yasaq rubl däräcäsen kütärerme?


Rusiä Däwlät Duması uzğan atna axırında moña qädär kürenmägän ğäcäyep tä, şaqqatmalı da qanun qabul itte. Äle döres ul ğämälgä kermäde, läkin, Rusiä parlamentında kemnär utırğannı küz aldında totqanda, bu qanunnıñ zur tizlek belän gämälgä kerüe dä bar. Tağın ber mäs’älän, bu qanun ğadi xalıqqa qağılmıy, ä barı tik däwlä türälärenä genä. Dollar süzen, yevro, uslovnaya yedinitsa, yäğni şartlı berämlek digän süzlärne alar qullana almıy. Barı tik rubl' dip kenä söylärgä tieşlär. Çit il aqçaları belän, ber genä dä äyberne alar äytmäskä tieş. Älegä qadär, nifet inäsendä utırğan Rusiä, tege qanun ikençe, öçençe uqılışlarnı ütep, prezident Putin da imzalasa, nifetneñ ber barrelen, böten dönyada qabul itelgänçä, fälän dollar dip äytä almıy türälär. Rubl'gä küçerergä tieşlär. Ä ul bäy üsä tora. Nifetkä mäs’älän. Dollarlarda üsä tora. Ä bez Rusiä türälären beläbez, matematika belän bik dus tügel bit ul xalıq. İ ğazaplanaçaqlar inde annarı , här kön dollarnı rubl'gä äyländerep. Bu ütä dä mäzäk qanunğa qarata, beraz uylap eş itkännär dä kölep qarıy. Rock cırçı İsmail şundıylardan.

Bu deputatlarnıñ cülärlege inde. Rusiädä, dollar süzen qullanunı tıysalar, yaña sleng barlıqqa kiläçäk. Mäsälän, qıyar digän, käbestä digän. Mäsälän, bu maşina biş yöz qıyar tora dip söyli başlarlar. Annarı, bezneñ türälärneñ matematika belän duslığı niçegräk ikän äle. Anı bit härkön dollardan rubl'gä küçerep, sanap utırası da bar.

Rusiädä bank xezmätkärläre bu dollar , yevro süzenä yasaqnı inde aptırap qabul ittelär. Matbuğatta, qıçıtmağan cirne qaşu, yuqtan problim tudırıp utıru digän fikerlär dä basıldı. Ä qanun avtorları isä anı Rusiä aqçası, rubl'gä xörmätne kütäräbez dip añlatalar. Döres, ğadi awıl xalqına bu qanun älä bar, ällä yuq. Çönki, alar bit yäşel dollar tügel, ä xäläl xezmät xaqların da yıllar buyı alalmıy integälär. Rusiä törä wä deputatları bu xaqta uylarğa waqıtları citmi küräseñ. Eş küp bit, xäzer, qanun qabul itelgän oçraqta, tuğan-tumaça aşa türä bulğannar dollarnı kön sayın rubl'gä äyländerep utıru belän mäşğül bulaçaq.

Räfis Cämdixan

XS
SM
MD
LG