Accessibility links

Кайнар хәбәр

Qabulda yul qazası häm uram cıyınnarı


Bügen äfğan başqalasında AQŞ citäklägän koalisiä xärbiläre qatnaşında yul häläkäte buldı, soñınnan xalıq qarşılıq çarasına çıqtı. 5 keşe häläk bulğan dip xäbär itelä. Koalisiäneñ matbuğat wäkile polkovnik Tom Collins bu xällärgä ükeneç belderde: "Älege faciğağa häm ülüçelär bulğanğa ükeneç belderäbez. Xällärneñ bik borçılı buluına qaramastan bez äfğan xalqı belän kiläçäktä tä xezmättäşlekne däwam itäçäkbez." Yul qazasınnan soñ cirle xalıq amerikan ğäskärlärenä taşlar atıp maşinalarına ut törtte. Uram cıyınnarı şulay uq AQŞ häm Britaniä ilçelekläre qarşında uzdı. Amerikan ilçelege häm Berläşkän Millätlär Oyışması wäkillege xezmätkärläre iminräk cirlärgä küçerelde. Äfğanstan prezidentı Hamid Qarzai xalıqnı tınıçlanırğa çaqırdı. Wazğiätne äfğan iminlek köçläre häm NATO ğaskärläre kontroldä tota.
XS
SM
MD
LG