Accessibility links

якшәмбе, 4 декабрь 2016, Казан вакыты 13:17

Rehn: Montenegroğa taşlama bulmayaçaq


Yevropa Berlegeneñ Kiñäyü Komissionerı Olli Rehn, Çernogoriä – Montenegroğa, bäysezlek turındağı referendumnan soñ Yevropa Berlegenä tizräk kerü yulları täqdim itelmiäçäk, dip belderde. Brüsseldä säfärdä bulğan Montenegro premyer-ministrı Milo Djukanoviç belän berlektä matbuğat oçraşuında, Rehn, töbäktäge barlıq illärneñ dä kiläçäge – Yevropada, dip belderde: "Äytkänemçä, Montenegro, könbatış Balkandağı başqa däwlätlär kebek Yevropağa yaqın, ämma taşlama bulmayaçaq." Rehn şulay uq Montenegro belän Serbiäne Podgorisanıñ bäysezlege turında söyläşülärne kiçektermäskä çaqırdı. 21 may könne uzğan referendumda cirle xalıq Montenegronıñ Serbiädän bäysezlegen yaqladı. Bäysezlek öçen 55.5% tawış birde.

XS
SM
MD
LG