Accessibility links

сишәмбе, 6 декабрь 2016, Казан вакыты 03:56

Qazaxstan törkeme säfäre däwam itä


Sişämbe könne Qazaxstannıñ Premyer-iministrı Danial Äxmätov citäkçelegendäge delegatsiä “Qazan boralaq zavodı” nda bulıp, anıñ eşçänlege belän tanıştı. Qunaqlarğa zamança Mi-17 desant-transport boralağınıñ kürsätmä oçışları oyıştırıldı. Annarı Röstäm Miñnexanov, Danial Äxmätov oyışmanıñ cıyu sexına barıp, daimi çığıp kilüçe häm maxsus kileşü buyınça cıyıla torğan ayırım maşinalarnı qaradılar. İntertat mäğlümatlarına qarağanda, ike respublika arasında kileşü tözelep, Qazaqstanda Mi-17, “Ansat”lar häm, bälki, “Aqtay”lar çığaraçaq urtaq predpriätie tözüne küzdä tota. Qazaqstan urtaq predpriätiegä açqa salaçaq, ä “Qazan boralaq zavodı” yağınnan litsenziälär, eşlänmälär häm başqa dokumentlar räweşendä intellektual' milek qaralğan. Bilgele bulğança, ike respublikanıñ xezmättäşlege boralaqlar tözü belän genä çiklänmi. Uzğan yılnıñ avgustında Kükçätäw şähärendä “KAMAZ” yök maşinaların cıyu buyınça proyekt uñışlı ğına eşli başladı. Monnan tış, neft' tabu häm innovatsiälär ölkäsendä xezmättäşlekneñ perspektivaları zur.

Gölnaz Şäyxetdin

XS
SM
MD
LG