Accessibility links

сишәмбе, 6 декабрь 2016, Казан вакыты 19:09

Qabulda 140 keşe qulğa alınğan


Äfğan räsmiläre xäbär itüençä, düşämbe könne bulğan tärtipsezleklärdän soñ 140 keşe qulğa alınğan. Eçke eşlär ministrlığınıñ matbuğat wäkile Yosıf Stanizai, Azatlıq radiosınıñ äfğan redaksiäsenä, uram cıyınnarın qayber säyäsi köçlär oyıştırğan bulırğa mömkin, dip belderde: "Düşämbe Qabuldağı xällärdän soñ bez 140 keşene qulğa aldıq, alarnıñ kübese – yäşlär. Alarnı tikşeräbez. Totqınnarnıñ qayberläre wazğiättän urlaw häm talaw öçen fayda yasarğa tırışuların tanıdı. Alarnıñ çın maqsatı närsä bulğanın tikşerüdän soñ äyterbez." Düşämbe bäreleşlärendä kimendä 8 keşe häläk buldı, 120dän artığı yaralandı. Köç qullanu häm qarşılıq çaraları amerikan xärbi maşinası arqasında çıqqan yul qazasınnan soñ başlandı. Prezident Hamid Qarzai tärtipsezleklärdä ğısyançılarnı ğäyepläde.

XS
SM
MD
LG