Accessibility links

җомга, 9 декабрь 2016, Казан вакыты 09:00

Putin: Şanxai Xezmättäşlek Oyışması köndäşlektän östen


Rusiä prezidentı Vladimir Putin, Mäskäw, Şanxai Xezmättäşlek Oyışmasınıñ rolen häm wäkälätlären arttıru öçen tırışlıq küräçäk, dip belderde. 10 yıl elek tözelgän oyışmada töp rolne Rusiä häm Qıtay uynıy, şulay uq anda Qırğızstan, Qazaxstan, Taciqstan häm Üzbäkstan äğza bulıp tora. Putin, Şanxai Xezmättäşlek Oyışması, töbäktäge başqa berleklär belän köndäşlek itergä tieş tügel, dide: "Xalıqara säxnädä Şanxai Xezmättäşlek Oyışması belän qızıqsınu arta. Bez anı küräbez häm oşatabız. Şulay uq bez bezneñ oyışma belän xalıqara säxnädä köndäşlek itü omtılışların da küzätäbez. Ämma minemçä bez köndäşlek urınına uñay näticäle eş belän şöğellänergä tieş." Putin bügen Mäskäwdä äğza illärneñ qanunçığaruçıları belän oçraştı. İran – oyışmada küzätüçe bularaq qatnaşa. İran prezidentı Mäxmüd Äxmädinecad 15 yün könne ütäçäk summitqa çaqırılğan.

XS
SM
MD
LG