Malayziägä säfäre barışında İran tışqı eşlär ministrı Manuçer Mottaqi, İran, Britaniä, Fransiä häm Germaniä belän atom programması turında söyläşülärne yañartırğa äzer, dip belderde. AQŞ belän söyläşü ixtimalın Mottaqi kire qaqtı. Yevropa Berlege İran belän söyläşülärne 2005nçe yılnıñ mayında, Tähran uran bayıta başlawı turında beldergäç tuqtatqan ide. Qıtay, 1 yün könne Venada BMO İminlek Şurası häm Germaniä wäkilläre İrannıñ atom programması turında söyläşäçäk, dip xäbär itte.
