Accessibility links

якшәмбе, 11 декабрь 2016, Казан вакыты 03:35

Peterbrgta Sabantuy uzaçaq!


Peterburg tatar milli- mädäni möxtäriäte soñğı yıllarda uñışlı ğına eşli başlağan ide. Tik uzğan yılnıñ dekaber ayında ütkän möxtäriät räise saylawınnan soñ möxtäriät idaräse dä, tatar cämğiäte dä ikegä bülende. Iğı-zığı belän eş tä tuqtalıp tordı.Tatarnıñ can azığı bulğan sabantuynıñ bulu-bulmawı da şik uyata başladı. Nihayät, bu problemalarğa beraz açıqlıq kertelde. 30 mayda idäräneñ Cäfir xäzrät Ponçaev häm yaña citäkçe Räis Yarkaev fikerdäşläre bulğan öleşe konferensiä uzdırdı. Kön tärtibenä baytaq möhim mäs'älälär quyılğan ide: möxtäriätkä äğzalar qabul itü tärtibe, sabantuy belän bäyle çaralar programmasına anıqlıq kertü, yaña ustavnı raslaw häm başqalar İctimaği oyışmalar turındağı yaña qanun nigezendä registratsiä ütkän bu yaña möxtäriät berençe çiratta üzen elekke möxtäriätneñ däwamçısı itep iğlan itte, ä idäräneñ abruylı eşquarları tözegän "Tatarsqaya obşçina Peterburğa i Leningradskoy oblasti"digän yaña oyışma däwamçı bula almıy dip belderelde.Kön tärtibenä quyılğan mäs'älälär xäl itelde, raslanğan plan nigezendä sabantuyğa äzerlek eşläre inde başlanuı turında äytelde. Başta "Tatar sabantuyı" dip isemlängän bäyrämne, başqortlarnıñ xäteren qaldırmas öçen, "Sabantuy " ğına dip atarğa buldılar. Ä sabantuynıñ uñışlı bulaçağına citäkçelärneñ ışanıçı zur .Peterburg tatar milli-mädäni mäxtäriäteneñ yaña citäkçese Räis Yarkaev äytkänçä, Tatarstannıñ Norlat rayonınnan, Başqortstannan qunaqlar inde çaqırılğan, prezident Mintimer Şäymiewnıñ da kilüe kötelä , ul Tuqayğa häykäl açıluda da qatnaşaçaq ikän. Eştä bernindi dä qıyınlıqlar, problemalar yuq dip belderde Räis Yarkaev)

"Peterburg sabantuyı fondınıñ" prezidentı İrek Galiev ta sabantuyğa äzerlek eşläre, üz qul astındağı tatar sportçılarınıñ uñışları turında äytep ütte:“Tatarstan, Başqortstan qunaqlarınnan tış Arxangel'skidan piterlılarnıñ yaratqan cırçısı Rim Kälimullin kiläçäk”. Eşlär bara: mäydan çistartılğan, jurnalistlarğa xäbär itelgän. Sabantuy bulaçaq! Mini -futbolda tatar sportçıları 25 milli komanda arasında ikençe urın yaulağan, xokkeyçılar berençe urında,Lipetskida uzğan "Köräş" çempionatında bezneñ İskändär Şarapov öçençe urınğa çıqqan.

Gölzadä Kamalova, Sankt- Peterburg

XS
SM
MD
LG