Accessibility links

Кайнар хәбәр

Alabuğa säwdä zonası İstanbulda täqdim itelde


31 Mayda İstanbulnıñ Sänäğät Pulatında Tatarstan iqtisadın häm Alabuğa irekle säwdä zonasın täqdim itü çarası uzdı. Ber ük waqıtta 29-31 May könnärendä uzdırılğan “Rusiä Federatsiäse: Aldınğı Texnologiä, İnvestitsiä Proyektları häm İnsutriä Tawarları” kürgäzmäsendä Tatarstan da qatnaştı. Här ike cıylışta da Tatarstannıñ säwdä häm tışqı iqtisadi xezmättäşlek ministrı Xafiz Salihov bar ide. Räsmi çaradan soñ Xafiz Salixov Törkiä mäğlümat çaraları jurnalistları sorawlarına cawap birde.

Bu könnärdä İstanbulda şulay uq Rusiä sänäğät häm energetika ministrı Viktor Xristenko säfärdä. Söyläşülär Rusiä belän Törkiä arasında säwdä xezmättäşlek turında bara. Törkiä eşquarları, Rusiä belän xezmättäşlek plannarı qorğanda, berençe çiratta Tatarstannı küz aldında totuları turında belderde.

aq/äi
XS
SM
MD
LG