Accessibility links

җомга, 9 декабрь 2016, Казан вакыты 05:09

İstanbulda bu atnada tatar-başqort çaraları


2-4 Yün könnärendä Tatarstan Respublikasınıñ Törkiä Cömhuriätendäge Wäqalätle Wäkilçelege insiativası belän Ğabdulla Tuqaynıñ tuuına 120 yıl tuluğa bağışlanğan törle mädäni aktiflıqlar alıp barılaçaq. 2 Yündäge kürgäzmä häm konsert Törek Mädäniät häm Sänğätläre Urtaq İdaräse TÜRKSOY, Törkiä häm Tatarstan Mädäniät Ministerlekläre belän İstanbul Böyekşähär Bälädiyäseneñ qatnaşlığı belän oyıştırıla. Räsmi televiziä TRT şuşı aktiflıqlarnı töşerep baraçaq.

Tatarstannan 114 keşelek delegatsiä kilä, bolarnıñ 14-e räsmi 100-e sänğatkärlär. 1 Yündä räsmi delegatsiä Rusiä Tışqı Eşlär Minstere Lavrov xörmätenä İstanbul başkonsullığında ütkäreläçäk qabulnamägä qatnaşa. 2 Yün comğa kön irtä belän Yosıf Aqçura, Ğäyaz İsxaqi häm Sadri Mäqsudilarnıñ ziratlarına barılaçaq, säğat 18:00-dä isä Harbiye’dä Cemal Reşit Rey Konsert zalında oyıştırılaçaq kürgäzmä belän konsert programasına bulaçaq.

Tatarstan İstanbulda 2-4 yün könnärendä Tuqaynıñ 120 yıllığına bağışlanğan mädäni çaralar alıp barğanda, Başqortstan 2-5 yün könnärendä “Başqortsan respublikası mädäniät könnären” uzdıra. Şuşı könnärgä Törkiä Mädäniät häm Turizm Ministere Attila Koç, İstanbul Böyekşähär Bälädiyäse başlığı Kadir Topbaş häm Başqortstan premierı urınbasarı İldus İlişev tä qatnaşalar. Attila Koç Tuqaynı iskä alu programasın da açaçaq. 3 Yündä Mäcit Gafuri isemendäge Başqortstan Drama Teatrı “Kodoşa” isemle äsärne säxnäläşteräçäk. 4-5 Yündä Gasparov isemendäge Başqortstan Däwlät Biyü Ansamble çığış yasayaçaq. Ber ük waqıtta Cemal Reşit Rey Konsert Zalınıñ bülmäläre belän Taksim Sänğat Galeriäsendä räsem kürgäzmäläre bulaçaq. Şulay itep İstanbulda yäşäwçe Tatar-Başqortlar belän Töreklärgä şuşı ike respublikanıñ mädäniät aktiflıqların çağıştıru mömkilege tuaçaq.

3 Yündä Belgrad urmannarında Sabantuy uzdırılaçaq. Şuşı aktiflıqlarğa qatnaşu mäqsatı belän Qazannan kilgän räsmi väkillär arasında Premierneñ urınbasarı häm mädäniät ministere Zilä Valeva, Tatar Kongresı räise Rinat Zakirov, Yazuçılar Berlege citäkçese İlfaq İbrahimov, Kazan Utları jurnalı başredaktorı Rawil Fäyzullin, Türkolog Rahimova, Tukay Muzeyı direktorı Aymutov, kompozitor Munasipov hb.lar bar.

Sabantuyğa Başqortstan Respublikasınıñ Wäqalätle Wäkilçelege insiativası belän kilgän sänğätkärlär dä qatnaşalar. 100-dän artıq bu törkem qatnaşaçaq İstanbulğa “Başqortstan sänğät häm mädäniät könnären” oyıştıru öçen kilälär. Sabantuyğa törle qunaqlar Rusiä Federatsiäse Böyek ilçese Petr Stegny, başkonsul Alexandr Krivenko da çaqırılğan.

İnde Başqort törkemeneñ Sabantuy waqıtında Russiä räsmi wäkilläre aldında Başqortlarnıñ Rossiägä üz irekläre belän quşulularınıñ 450 yılın iskä alu ixtimalı Tatar yağın borçıy.

4 Yündä isä Tatarstan räsmi şäxesläre belän sänğätkärläre Kütahyadağı Sabantuyğa da qatnaşaçaqlar.

Äxtäm İbrahim, İstanbul

XS
SM
MD
LG