Accessibility links

шимбә, 3 декабрь 2016, Казан вакыты 18:54

Küpmillätle Peterburg tolerantlıq yaqlı


Peterburgta berniçä yıl "Liga natsiy"isemle millätara ictimaği oyışma eşläp kilä.Anıñ sostavına 31 milli cämğiät kerä. "Liga natsiy"oyışmasın xärbi tabip inguş Ğamzat Tsokiev citäkli.31 mayda Peterburg Milli mädäniätlär yortında liganıñ konferensiäse uzdı. Ğamzat Tsokiev üzeneñ çığışında oyışmanıñ törle ictimaği xäräkätlär belän xezmättäşlege, şähär mädäni häm ictimaği tormışındağı role turında äytep ütte. Mäskäw Millätlär fondı belän dä xezmättäşlek alıp barırğa cıyınalar ikän. Etnografiä muzey xezmätkäre Nina Romanova Liga yärdäme belän Peterburgta eşläp kilüçe millä-mädäni oyışmalar turında beleşmä- kitap çığarırğa äzerlänä, Liga tırışlığı belän törle millätlär ädäbiätınnan kitapxanä cıyğannar, Liga köçe belän şähärdä cidençe tapqır "Woz'memsya zar uqi, druz'ya"digän festival' uzğan. Bıyıl berençe tapqır küpmillätle Liga küp millät keşeläre cirlängän Piskarevka memorialında subbotnik ütkärgännär- ziratnı çistartqannar.

Şähär tormışında ä üzem qatnaşırğa tırışsa da, Liganıñ problemaları da citärlek: üz ofisları yuq, informatsiä citärlek tügel, matbuğat bitlärendä milli mäs'älälär yaqtırtılmıy. Ayğa ber çığa başlağan "Karavan" häm "Newsqoyı vremya" gäzitendä ike atnağa ber kürenä torğan millätara problemalar kolonkasın sanamağanda. Televidenie, radioda da milli mäs’älälärgä urın yuq. Ä bit Liganıñ töp maqsatı -millätara mönäsäbätlärne garmoniägä kiterü, keşelärne ber bersenä qarata tüzemle bula belergä öyrätü. Monıñ öçen Milli mädäniätlär yortında ber bulsa da bülmä , anda daimi eş alıp baruçı ber xezmätkär , televideniedä, radioda waqıt, millätara gäzit çığaru öçen matdi yärdäm kiräk, -dide Ğamzat Sokiev.

Konferensiädä "Berdäm Rusiä"wäkiläre dä bar ide. Şularnıñ berse- Qanunnar cıyılışı deputatı, "Konfessiyäara mönäsäbätlär" komissiäse räise İğor Rimmer:" Rusiäne Rusiä itüçe- küpmillätle xalqı, ägär bez kemgäder şul xalıqnı millätenä, dinenä qarap bülgälärgä röxsät itäbez ikän, bez tarqalaçaqbız, Rusiäneñ kiläçäge bulmayaçaq",- dide.

Milli mädäniätlär yortı direktorı Oleg Rodzeviç: "Peterburg tağın sınaw aldında tora: şähärgä eşçe qullar citmi, şuña yaqın arada migrantlar ağımı kötelä, başlıça Urta Aziä, Kavkazdan. Bötenläy başqa moxitta tärbiälängän, tel, sotsial' problemaları bulğan bu keşelär belän eşläw öçen yaña şartlarda yäşärgä öyrätü, sotsial' yärdäm sisteması bulırğa tieş dide.

Oleg RodzeviçkaPeterburg yähüdläreneñ mädäni oyışması räise Yewgeniä L'vova da quşıldı: "Liga natsiy "säyäsi uyınnarda, ayıruça "Berdäm Rusiäneñ" uyınnarında, ğına qatnaşırğa tieş tügel, ä başlıça sotsial' mäs’älälärgä iğtibar itärgä tieş, alğa kitkän illärdä sotsial' mäs'älälär belän ictimaği oyışmalar şöğellänä dä inde",-dide Yevgeniä L'vova. "Ksenofobiä belän tolerantlıqnıñ nigezendä sotsial' problemalar , belem, mädäniät citeşmäw yata. Şuña kürä Liganıñ üz sotsial' programması bulırğa tieş. Tolerantlıq tärbiäläwne üzeñnän başlarğa kiräk, annan yäşüsmerlärgä, balalarğa birergä. Peterburg tolerant şähär bula alamı digän sorawğa Yewgeniä: "Şähär tolerant ta , tüzemsez dä bula almıy , yarlıq tağıp qına bernärsä dä üzgärmi .Tolerantlıq- ğomumcämğiät sälämätlegennän kilä. Ksenofobiä ul- organizm awıru bulğandağı tire çire kebek ,tışqı küreneş kenä. Cämğiätebez awıru, anı däwalarğa kiräk, "Liga natsiy"nıñ role menä şul da inde., çönki milli cämğiätlär, berençedän, üz äğläläre öçen cawaplı, ikençedän- alar üz äğzaların ğailädäge kebek yaqınnan belä",- dip süzen yomğaqladı Yegeniä L'vova.

Liganıñ prezidentı Ğamzat Tsokiev mäğlümat çaraları turında şähär xakimiäte belän citdi süz alıp barırğa cıyına häm urtaq tel taba alırına ışana.

Gölzadä Kamalova, Sankt- Peterburg

XS
SM
MD
LG