Rusiäneñ Federasiä Şurası bügen ilneñ baş prokurorı Vladimir Ustinovnı wazifasınnan aldı. Şura başlığı Segrei Mironov, bu qarar – prezident Vladimir Putin färmanı nigezendä qabul itelde, dip belderde:
"Prezident mine kiçä üzenä çaqırtıp Ustinovnı eşennän alu turında qararın tapşırdı. Söyläşüdän añlawımça, bu – texnik mäsälä, monda säyäsät yuq."
Mironov süzlärenä qarağanda, Ustinov baş prokuror urınınnan üze kitergä telägän bulğan. Bu wazifada ul 2000nçe yıldan birle eşläde. Bu adım, Putinnıñ ildä korrupsiägä qarşı köräşneñ näticäsez buluı turında söylägän waqıtqa turı kilde.
