Accessibility links

җомга, 2 декабрь 2016, Казан вакыты 23:06

Bişkäktä Aq Yortqa 30 keşe bärep kerde


Qırğızstan prezidentınıñ baş fatirı bulğan Bişkäktäge Aq Yortqa bügen 30ğa yaqın keşe bärep kerep prezident Qormanbäk Bakiyev belän oçraşunı taläp itte. Bu törkem könyaqtağı Aqsı şähärennän bulğan dip xäbär itelä. Anda 4 yıl elek milisiä 6 sivil keşene atıp ütergän ide. Keşe xoquqların yaqlawçı Toleikan İsmailova, Azatlıq radiosınıñ qırğız redaksiäsenä, bu - Yuğarı Mäxkämäneñ, 2002nçe yılğı atışlarda ğäyeple bulğan milisiä xezmätkärlären aqlarğa digän qararına qarşı çara ide, dip belderde: "Uzğan yıl Bakiyev wazifasına kilgäç Aqsı xällären tikşerüdän başlıym digän ide. Bügengä qadär ğadellek yuq. Yuğarı Mäxkämä yalğış qarar qabul itte, häm xäzer menä iminlek köçläre protest belderüçelärne Aq Yorttan quıp çığarırğa mataşa." Bügen mäxkämä utırışınıñ qararı räsmi iğlan itelmäde. Aqsıda atışlar bulğan waqıtta Bakiyev Qırğızstannıñ premyer-ministrı ide.

XS
SM
MD
LG