Accessibility links

чәршәмбе, 7 декабрь 2016, Казан вакыты 21:40

Rusiä diplomatları yazmışı bilgesez


Bağdad -- Bağdadta totıq itep alınğan Rusiä diplomatları azat itelgän digän xäbärlärne Ğiraq räsmiläre bügen kire qaqtı. Şimbä könne Rusiä diplomatları maşinasına höcüm yasalğan ide. Häcüm näticäsendä Rusiä ilçelege xezmätkäre Vitali Titov häläk bulğan. Qalğan 4sen höcümçelär üzläre belän alıp kitkän. Rusiä mäglümät çaraları bügen alarnıñ ismenären xäbär itte: ilçelekneñ 3nçe sekretare Fedor Zaitsev, häm tağın 3 xezmätkär: Rinat Ağliullin, Anatoli Smirnov häm Oleg Fedoseev. Totıqlarnı azat itü tırışlıqları däwam itä, dielä.

Ul arada bügen Ğiranıñ Qara Tappa qalası yanında ğisyançılar 19 keşene ütergän. Yasalma tikşerü noqtasında alar 25 keşene başta maşinalarınnan çığarğan, Sönnilären saylap alğannar, qalğannarın atqannar. Politsiä äytüençä, ülüçelär arasında studentlar, balalar, qartlar bar. Könyaqtağı Basra qalası mäçetendä, politsiä belän ğsiyançılar arasında bulğan atışular näticäsendä 11 keşe häläk bulğan.

XS
SM
MD
LG