Accessibility links

сишәмбе, 6 декабрь 2016, Казан вакыты 22:57

Rusiä Yevropa Berlegenä qarata qatıraq pozitsiä aldı.


Rusiä Yevropa Berlege belän mönäsäbätlärendä qatıraq pozitsiä ala. Mäskäv Yevropa Şurasınıñ nävbättäge räise häm Zur-8lär törkeme prezidentı buluınnan faydalana. Tabiği çığanaqların basım çarası itep qullana.

Prezident Putinneñ 2-nçe iyündä media başlıqları belän bulğan oçraşuda äytkännäre, Rusiäneñ Yevropa Berlegenä qarata qatıraq pozitsiä aluın çağıldırğan soñğı misallarnıñ berse bulıp tora. Ul 8lär törkemeneñ San Petersburgta bulaçaq summitı aldınnan Rusiäneñ tışqı säyäsi maqsätläre turındağı soraularğa cavap birgändä AQŞ, Yevropa Berlegen häm Yaponiäne tänqitläde. Yevropa Berlegeneñ Rusiä, tabiği gaz mäsäläsen Ukrainağa politik basım öçen faydalana digän borçıluına qağılıp, Könbatış duslarıbız, Äfilsün revolutsiäsen aktiv yaqladılar . İnde şunnan soñ yaqlauların dävam itälär ikän, monıñ öçen tüläsennär dip belderde Putin. Maynıñ 25 häm 26-nda Soçida bulğan Rusiä-Yevropa Berlegeneñ Energiä täminatına bağışlanğan summitında da Putin şulay uq qatı pozitsiä alğan ide. Ul Yevropa partnerlarıbız üzlärenä bezneñ iqtisadıbızdağı iñ izge tarmaqqa-energiägä kerülärenä räxsät itüebezne kötälär ikän, bezgä dä üz işeklären açarğa yäisä qarşılığında närsäder birergä tieşlär digän fiker äytte. Ul soñğaraq Rusiä televideniäsendä yasağan çığşında, Yevropa Berlegen iptäşeneñ känfeten alırğa telägän, läkin, birergä äybere bulmağan ber bala belän çağıştırdı. Küpkenä küzätüçelärneñ fikerençä, Rusiä gazın Qıtay häm AQŞqa sata ala. Şul säbäple, Yevropa Rusiägä üz şartların tağa almıy. Putin energetika ixtiacı artqan ber vaqıtta şuşı forsattan faydalanıp, säyäsi häm iqtisadi kapital ciarğa tırışa.

Färit İdelle, Praga.
XS
SM
MD
LG