Tatarstanda soñğı könnärdä bötendönya bankı belän xezmättäşlek üsterü yulında tağın qayber adımnar yasıy. Bötendönya bankınıñ Rusiädäge direktorı häm daimi wäkile Kristalina Georgeva Qazanğa kilep şul turıda söyläşülär alıp bardı. Ul Mintimer Şäymiev belän bergä xalıqara tözekländerü häm Tatarstan xökümäte arasında xezmättäşlek alıp baruda üzara añlaşu turında memorandum tözede. Uzğan yıl şuşı bank Qazan şähären üsterügä 125 million dollar külämendä zaym birü turında qarar qılğan ide. İğtibar itegez, äcätkä çit ildän aqça alu turında äytkändä dollar süze tıyılmıy. Şul yäşel aqça ikegä bülep birelä, berençese 50 million dollar uzğan yılnıñ oktäberendä alındı, ä qalğan 75 million şuşı yartı yıllıqta birelergä tieş. Ä aqça kiräk, çönki yaña möhim proyektlar başqarırğa tieş. Alabuğa iqtisadıy zonasın üsteräse bar. Qazan şähäre dä äle çip – çista häm artıq tözek dip äytep bulmıy. Şähär başlığı İlsur Metşin 24 yündä Därwişlär bistäseneñ qayınlığında Mirnıy qayınlığında häm başqa urınnarda ütäçäk Sabantuyları turında äytte. Östäwenä şul uq könne xalıq – ara at sport kompleksında ğomum şähär Sabantuyı ütäçäk. İlsur Metşin Sabantuyına qalğan 19 kön eçendä şähärne çistalıqtan yaltırap torğan xälgä kitärgä kiräk dip äytte. 1000 yıl cıyılğan çüpne häm tiränäygän çoqır – çaqırlarnı tözätergä ike yarım atna waqıt birelä.
Rimzil Väli
