Accessibility links

җомга, 9 декабрь 2016, Казан вакыты 07:00

Tawlı Qarabaxta alğa kiteş yuq


Azärbaycan häm Ärmänstan tışqı eşlär ministrları ike il citäkçeläre arasındağı söyläşülärdän soñ Tawlı Qarabax nizağında alğa kiteş yuq dip belderde. Söyläşülär däwam itäçäk. Baqıda säfärdä bulğan AQŞ däwlät sekretareneñ Yevropa häm Yevraziä mäsälälärendäge urınbasarı Matthew Bryza, nizaqnıñ bıyıl çişelüenä ömet belderde: "Nizaqnıñ çişelüenä ışanabız, çönki kiläse yılda Ärmänstandağı säyäsi şartlar qatlawlanaçaq, şuña kürä ağımdağı yıl nizaqnı çişer öçen möhim yıl." Räsmi töstä Ärmänstan belän Azärbaycan 1988nçe yılda başlanğan nizaqtan alıp xäzergä qadär suğış xälendä. Soñğı söyläşülär yäkşämbe häm düşämbe könne Romaniä başqalası Boxarestta uzdı. Anda Qara diñgez summitı qısalarında Azärbaycan häm Ärmänstan prezidentları İlham Aliev häm Robert Kaçarian oçraştı. Aradaşçı bularaq söyläşülärdä Yevropada İminlek häm Xezmättäşlek Oyışması wäkilläre qatnaştı.

XS
SM
MD
LG