Accessibility links

пәнҗешәмбе, 8 декабрь 2016, Казан вакыты 15:10

Qazaxstanda Alğa! terkälmäde


Qazaxstannıñ Yuğarı mäxkämäse Alğa! dip isemlängän oppozisiä törkemen terkämäw qararın xupladı. Bu xaqta Azatlıq radiosınıñ Qazax redaksiäsenä xäräkätneñ citäkçese Asılbek Kojaxmetov belderde. Yuğarı mäxkämäneñ xäkime Musabek Alimbekov süzlärenä qarağanda, xäräkätne oyıştıruçılar dip bötenläy bulmağan keşelär yäki watandaşlığı bulmağan keşelär yazılğan bulğan. Bıyıl xäräkätne Yustisiä ministrlığı terkämägän ide, annan soñ 20nçe april könne Astana şähär mäxkämäse dä Alğa! törkemen terkäwdän baş tarttı. Bügen Yustisiä ministrlığı qarşında xäräkätneñ 200gä yaqın tarafdarı cıyılıp mäxkämä qararına qarşı çara uzdırdı. Aldan röxsät alınmıyça ütkärelgän şuşı uram cıyını waqıtında distälägän keşe qulğa alınğan, milisiä belän bäreleşlär bulğan. Azatlıqnıñ Qazax redaksiäse xäbär itüençä, qulğa alınğan keşelärne soñıraq tanıqlıq itkännän soñ irekkä çığarğannar.

XS
SM
MD
LG