Könçığış Afrikadağı Somalia ileneñ başqalası Mogadişu şähären üz kontrolenä alğan islam ğısyançıları Somaliada islam däwläte töziäçäklären belderde. Başqala öçen bäreleşlär 3 ay däwam itte. İslam İdaräläre Berlege yulbaşçısı Şeix Şärif Äxmäd, Somaliada islam öçen köräşne däwam itäçägen äytte. Ämma Mogadişu şähäreneñ meñlägän xalqı islamçılarğa qarşı bügen uram cıyını uzdırdı.
