Accessibility links

шимбә, 10 декабрь 2016, Казан вакыты 08:11

Xezmät yärminkäsendä tatar telenä eş barmı?


7 iyün könne “Ximiklar” mädäniät sarayında eş urınnarı täqdim itü yärminkäse ütte.Bu yärminkäne Qazan şähäreneñ xezmät häm mäşğül''lek üzäge respublikanıñ Yäşlär xezmät birjası belän bergä ütkärde.

Qazan şähärendä eşsezlär sanı 1 iyüngä – barlığı 5469. Alar arasında xatın-qızlar sanı-3681, üze teläp eştän kitüçelär sanı-1508: eştän azat itelüçelär-1363 . Ä yärminkädän yullama alıp eşkä urnaşuçılar sanı 2004 yılda -172 bulsa , ä- 2005 yılda -168 .

Bu yärminkäne oyıştıruçılar üzläreneñ töp maqsatı itep bıyılğı cäydä eşsezlärgä sezonlı eş urınnarı täqdim itüne häm xezmät bazarın totrıqlandırunı quyğannar.

Bügenge yärminkädä eşsezlärgä 44 şirkät üzlärendäge eş urınnarın täqdim ittelär.

Yärminkäne oyıştıruçılardan Qazan şähäreneñ xezmät häm mäşgul''lek üzäge citäkçese Valeriy Kariev:

Barısı 6422 vakansiä täqdim itelde, alar nıñ 81% eşçe hönärläre, 18 %- xezmätkärlär, häm 61 % ir-at hönärläre . dide ul

Ä Respublikanıñ Yäşlär xezmät birjası citäkçese Yevgeniy Yefimov äytüençä , monda 1200 artıq buş eş urınnar täqdim itelgän. Ämma tatar telendä eşli torğan kadrlarnı tä''min itärlek eş urınnarı täqdim itüçe şirkätlär bügenge köndä yuq.

“Ä iyül ayında cäyge lager''larda 15ләп urın bulırğa tieş. Ğomümän , bez andıy eş urınnarı buldıru turında mäğlümat tuplaw buyınça.. eş . alıp barmadıq ta,- dide ul.

Yärminkäne oyıştıruçılar tarafınnan buş eş urınnarı ezläp kilüçelärgä , uquçılarğa, studentlarğa , häm ğomumän, eşsezlärgä mäğlümat alu buyınça törle mömkinçeleklär tudırılğan ide.

Mäğlümat birep utıruçı xezmätkärlär kemgä , qayda nindi eş urını barın sanaqlar yärdämendä bik tiz tabıp birdelär. Ä mädäniät sarayınıñ ikençe qatında eş täqdim itüçelär belän , eş ezläp kilüçelär küzgä küz oçraşıp, söyläşep, bu oyışma turında beleşep, här keşe anketağa üze turında mäğlümat yazıp qaldıra ala ide.

Ämma eş ezläp kilüçelär arasında alarnı xezmät xaqı belän qänäğätländererlek eş urınnarı tabuçılar bik siräk oçradı. Xäzer sez, monda üzegezgä eş urını taptığızmı?- digän sorawlarğa cawaplarnı işetersez . - Min psixolog. Eş tapmadım. Eş täqdim itüçe yuq.

- Min cäyge waqıtqa ğına eşkä urnaşmaqçı bulğan idem.

- Min tatar tele uqıtuçısımın . Uqıtuçı bulıp eşlisem kilmi . Xezmät xaqı bik tübän, 3000 sumnıñ meñ yarımı yulğa ğına kitä.” bezne yäğni pedagoglarnı, bötenläy mısqıl ittelär”

İğtibarnı bigräk tä tatar telen üsterü buyınça eş ezläwçelärneñ zarı cälep itte. Küz salıyk äle , küpme eş urını täqdim itelde ikän tatar telendä eş alıp baruçı kadrlarğa.

-: 32 sanlı mäktäptä- 2000 sum xezmät xaqı belän- 1urın. Başqa yuq. Täqdim itelgän eş urınnarı arasında iñ tübän xezmät xaqı 1.300 sum., ä iñ yuğarı xezmät xaqı,- 15 меñ sum.

Şular arasında tatar teleneñ qullanılışın tabarlıq hönärlär buyınça särkätip –referent bulıp eşlärlek urınnar – 10, anda xezmät xaqı 3000-8000 qädär. Pedagog- oyıştıruçı- 2 urın, xezmät xaqı-2000-8000 sum. Qazan şähäreneñ xezmät häm mäşğül''lek üzäge citäkçese urınbasarı Fähiä Şahiwaliewa bu turıda bolay dide: “ Yärminkädä yullama alıp eşkä urnaşuçılar sanı bıltırğığa qarağanda bıyıl azraq. Eşsezlärgä tülänä torğan posobieneñ küläme dä 700 sum ğına bulğaç, eşsezlär tizräk eş ezläp tabıp eşkä urnaşırğa tırışalar” dide ul.

Mälikä Basıyr

XS
SM
MD
LG