Accessibility links

пәнҗешәмбе, 8 декабрь 2016, Казан вакыты 01:15

NATO häm koalitsiä räsmiläre Talibannıñ ciñep baruı turında xäbärlärne kire qağa


NATO häm AQŞ citäkçelegendäge koalitsiä xärbiläre Taliban ilneñ könyağında ciñep bara digän xäbärlärne kire qaqtı. Nato süzçese Mark Laity könyaqta xäl 2001-nçe yıldan soñğı iñ naçar noqtağa citte digän xäbärlär döres tügel disä dä anda suğışçılarnıñ höcümnäre artuın tanıdı. "Min naçarraq digän süzgä qarşı çığar idem. Minemçä anda höcümnärneñ artuı säbäple wäzğiät elekkedän qıyınraq häm qatlawlıraq" dide Laity. Ämma anıñ äytüençä, näticä bularaq alarnıñ yuğaltuları ğına artqan. AQŞ xärbiläre süzçese küpçelek bäreleşlärne taliban tügel, koalitsiä köçläre başlıy dide. Äfğän generalı Räxmätulla Räwfi könyaqtağı Oruzğan wiläyätendä 5 kön däwam itkän operatsiä näticäsendä 25 taliban suğışçısı üterelde dide. Koalitsiä süzçese äytüençä, bügenge bäreleşlärdä tağın 5 taliban suğışçısı hälak bulğan.

XS
SM
MD
LG