Respublikanıñ Yuğarı mäxkämäse akademik Oskar Kaybıyşev eşen qarawnı däwam itä. Xäbär itüebezçä, ul çit ilgä qanunsız yaña texnologiälär satuda ğayıplänä. İminlek xezmäte ul texnologiälär xärbi maqsatta da qullanıla ala dip uylıy. Açığraq äytkändä, maşina tägärmäçläre citeşterü öçen dip satılğan ul texnologiälär Koreyanıñ aerokosmik programmaların tormışqa aşıruda da qullanıla ala dip sanıylar.
Kaybışevnıñ cinayät eşe buyınça şahitlardan soraw alu tämamlandı. Barlığı 65 keşedän soraw alınğan, şularnıñ 15 çittän torıp soralğan. Çittän torıp soraluçılar arasında Kön'yak Koreyanıñ “Asa Qo Ltd” firması häm aerokosmik tikşerenülär agentlığı wäkilläre dä bar. İñ soñğı bulıp sorawğa cawaplarnı Rusiä iminlek xezmäteneñ Başqortstan bülekçäse başı İgor Çernokov cawap birgän. Mäxkämä utırışları däwam itä.
