Accessibility links

җомга, 9 декабрь 2016, Казан вакыты 08:42

Tatar yäşläre forumı yäşlärneke bulırmı, qartlarnıqımı?


Tatar yäşläre forumınıñ 2004 yılnıñ iyülendä qabul itelgän rezolyutsiäsendä, ul ike yılğa ber uzdırılırğa tieş dip qaralğan bula. Şuña da qaramastan älege çaranı 2005тә Qazannıñ 1000 yıllığı aldınnan oyıştıru qarala. Läkin bu çara ütkärelmi. Moña bäyle räweştä Tatarstan başqalasınıñ zur yubiley çaralarında tatar yäşläre forumı yuğalır, kürenmi qalır, delegatlarnı tieşençä qunaq itä almabız dip qurıqqannardır digän süzlär dä yörde. Bıyıl isä ikençe tatar yäşläre forumı Rusiäneñ törle töbäklärendä yäşäwçe tatarlarnı, tatar yäşlären Qazanğa cıyaçaq. İkençe tatar yäşläre forumınıñ niçek, qayda, qayçan ütäçägen tögälräk beler öçen bez älege çaranıñ oyıştıru komitetı äğzası Röstäm Gäynetdinovtan sorarğa buldıq: - Bıyılğı tatar yäşläre forumı xaqında qısqaça tanıştırıp kitsägez ide? - 21 yünnän 25 iyüngä xätle uzaçaq. Bıyılğı tatar yäşläre forumına 600 yaqın delegat çaqırıldı. 180не BDB illärennän. Şulay uq 14 ildän qunaqlar kiler dip kötelä. 320 delegat Rusiä töbägennän häm 100ye Tatarstan, Qazannan bulaçaq. - Çit töbäklär digännän, qaysılarınnan inde ul? - İñ zur delegatsiä kilä Mäskäwdän. Yaqın tirä töbäklär Başqortstan, Samara ölkäläre häm İdel buyı, Ural töbäkläre. Çit illärdän, zur delegatsiälär,ñ; Qazaqstan, Üzbäkstan, Ukraina, Qırğızstan, Törkiä… - Bu çaranı oyıştıruçılar kemnär? - Bötendönya kongressı äğzaları, Tatarstan xökümäte häm tatar yäşlär forumı byurosı äğzaları. - İkençe tatar yäşläre forumı qısalarında nindi çaralar ütkärelü qaralğan inde? - Plenar utırışlar, diskussiälär bulır dip kötelä. Şulay uq mädäni-küñel açu çaraları, konsert nomerları häm başqalar. Forum Qazan şähäreneñ Sabantuyında qatnaşu belän tögällänäçäk. - Bu delegatlar arasında dini yäşlär dä bula, alarğa kiräkle şartlar bulaçaqmı soñ? - Bezne “Qazan” milli-mädäni üzäk aşataçaq, anda xäläl rizıqlar ğına bulaçaq. Äytergä kiräk, forum barışında bez Qol Şärif mäçetenä säyäxät oyıştıraçaqbız, şunda uq comğa namazın uqırğa mömkinçelek bulaçaq. - Qazanğa kiläse delegatlarnı qaysı sıyfatlarına qarap sayladığız, ällä inde bu eşne töbäklärneñ üzlärenä yöklädegezme? - Yäşlärne saylawnı bez töbäklärneñ üzlärenä qaldırdıq. Älbättä inde bez monda tırış, uñğan, sälätle yäşlärne çaqırırğa tırıştıq. - Forumnı başlaw häm yomğaqlaw nindi teldä bulaçaq? - Tulısı belän tatar telendä bulır dip uylıybız, añlamağan keşelärgä sinxron tärcemä bulaçaq. - Kilü-kitü mä’säläläre, yul çığımnarın kem qaplıysı köylänep betäme soñ inde? - Yul çığımnarın aldan kileşkänçä, delegatlar üzläre qaplayaçaq, ä mondağı toru, aşaw-eçü, törle çaralarda qatnaşu Tatarstan xökümäte tarafınnan finanslana. Röstäm İsxaqi

XS
SM
MD
LG