Belarus xökümäte prezident Aleksanr Lukaşenkonı 3-nçe möddätkä saylawdan soñ Könbatışnıñ Belarus räsmilärenä çikläwlär quyuına cawap bularaq Yewropa Berlege häm AQŞ räsmilärenä Belarusqa kerüne tıydı.
Tışqı eşlär ministrlığı süzçese bu cawap cikläwläre dide. Ul tıyılğannar isemlegendä kemnär buluın atawdan çitläşsä dä alar arasında Belarusqa qarşı söylägän, yäki ilneñ eçke eşlärenä tıqşınırğa mataşqan iñ höcümçän säyäsmännär bar dide.
Belarus oppozitsiäse, xalıqara küzätüçelär häm Könbatış däwlätläre 19-nçe marttağı prezident saylawları ğädel bulmadı di. Yewropa Berlege Lukaşenkoğa häm tağın 30 räsmigä Berlek illärenä kerüne tıydı. AQŞ häm tağın berniçä däwlät Belarus räsmilärenä qarşı şundıy uq çikläwlär kertte.
