Accessibility links

җомга, 9 декабрь 2016, Казан вакыты 10:49

Memorial Groznıyda yäşeren törmä bar dip täqrarlıy


Rusiädä keşe xoquqların yaqlawçı Memorial isemle mäğlüm törkem Çeçnä başqalası Groznıyda totqınnarnı qanunsız räweştä yabıp totu, qurqıtu häm azaplawlar öçen röxsätsez yäşeren törmä buluı turında dokumentlar tuplağanlığın belderde. Memorial aktivistları bu törmäne Groznıynıñ könyağındağı Üktäber rayonında uzğan atnada taptıq dip belderä. Alar törmä diwarların fotoğa häm videoğa töşergän. Anda totqınnar üz isemnären häm yabıp totu könnären yazıp qaldırğan. Memorial citäkçese Yuriy Orlov bu totqarlaw üzäge berniçä yıl elek ük yabılğan bulırğa tieş ide, ämma ul uzğan ayğa qädär eşlägän bulırğa oxşağan dide. Çeçnäneñ baş prokurorı Valeriy Kuznetsov bu xäbärne berençel tikşerü başlandı dide. Ämma Çeçnä ombud-smanı Nurdi Nuxajiev bernindi yäşeren törmä dä yuq dip bu xäbärne kire qaqtı.

XS
SM
MD
LG