Accessibility links

җомга, 9 декабрь 2016, Казан вакыты 12:57

Dönya citäkçeläre Zärqäwineñ üterelüenä xuplaw belderä


Ğiraqtağı AQŞ xärbiläre Bağdadtan tönyaqta Ğiraq-AQŞ xärbi operatsiäse näticäsendä üterelgän terrorçı Äbü Musab äz-Zärqäwi süräte dip ber foto kürsätte. AQŞ xärbiläre süzçese General Mayor William Caldwell bu fotonı Bağdadta matbuğat oçraşında kürsätte. Dönyanıñ törle illäreneñ citäkçeläre häm säyäsätçeläre Zärqäwineñ üterelüe turındağı xäbärgä xuplaw belderde. AQŞ prezidentı George Bush AQŞ köçläre Zärqäwine cawapqa tarttı dide. Şulay da ul Ğiraqta ğisyan häm mäzhäbara bäreleşlär däwam itär dip isäpläwen äytte. "Zärqäwi üle. Ämma Ğiraqtağı qıyın häm zarur çara däwam itä. Terrorçılar häm ğisyançılar annan başqa da däwam itär dip kötärgä bula. Mäzhäbara bäreleşlär däwam itär dip kötärgä bula. Şulay da terror ideologiäse üzeneñ iñ kürenekle häm agressiv citäkçelärennän bersen yuğalttı. Zärqäwineñ üleme äl-Qaidägä qatı orım buldı" dide Bush. AQŞ saqlanu ministrı Donald Rumsfeld äz-Zärqäwineñ üleme terrorğa qarşı suğışta möhim ciñü dide. Ämma ul da Bushnıñ bäreleşlär däwam itär digän fikeren qabatladı. Britaniä premyer ministrı Tony Blair Zärqäwineñ ülemen bik yaxşı xäbär häm Ğiraq öçen bik möhim mizgel dip bäyäläde. Awstraliä premyer ministrı John Howard ta şundıy belderü belän çıqtı. Äfğän prezidentı Xämit Qarzai monı terrorçılıqqa qatı orım dip atadı.

XS
SM
MD
LG