Accessibility links

шимбә, 10 декабрь 2016, Казан вакыты 23:41

Zäki Wälidi fondı citäkçeläre matbuğat oçraşuı oyıştırdı


Başqortstanda ber ay çaması elek oyıştırılğan Äxmätzäki Wälidi töbäk cämäğätçelek fondı citäkçeläre Ufada jurnalistlar öçen matbuğat oçraşuı oyıştırdı. Oçraşuda fondnıñ räise, professor Marat Kolşäripov, anıñ başqarma räise Ältaf Ğayfullin häm Başqortstan xalıqları assotsiatsiäse räise Niäz Mäcitov qatnaştı. Äxmätzäki Välidi fondı üze dä Başqortstan xalıqları assambleyası qanatı astında oyıştırılğan.

Marat Kolşäripov süzlärençä, yaña açılğan fond, Zäki Välidineñ istälegen mäñgeläşterü öçen küp eşlär başqaru belän bergä, başqa törle, küpqırlı eşçänlek alıp baraçaq. “Xätta Rusiädä federalizmnı üsterü mäsälälärendä dä üz süzebezne äytergä tırışaçaqbız”, - di ul.

Soñğı aylarda törle mäğlümat çaralarında Äxmätzäki Välidi şäxese xaqında törle bäxäslär dä qubıp alğan ide. Anı Sovetlar berlegenä qarşı eşlägän şpion digän belderülär dä yañğıradı.

Ämma Marat Kolşäripov andıy ğäipläwlärneñ nigezsez buluın äytep, Zäki Välidineñ istälegen mäñgeläşterü kiräklegen belderä. Kiçekmästän, Ufadağı ber uramğa anıñ isemen birergä, aña häykäl quyarğa häm başqa eşlärne başqarırğa kiräk, dip isäpli Zäki Välidi fondı citäkçeläre. Älege fondqa xäzer alar iñ başta finanslar cıyu belän mäşğül'' bulaçaq ikän.

Fänis Fätxi, Ufa

XS
SM
MD
LG