Accessibility links

җомга, 9 декабрь 2016, Казан вакыты 04:58

Açıq mikrofon: Qazan Rusiäneñ başqalası statusın aluğa niçek qarıysız?


Rusiäneñ üzäk televidenie kanallarında bu aralarda yış qına Mäskäwdän başqala funksiälären alırğa kiräk dip söylilär. Rusiäneñ başqalası itep törle keçkenä şähärlär täqdim itelä. Alar arasında Qazan da bar. Şul uñaydan comğadağı Açıq mikrofon säxifäse Qazan xalqınıñ fikeren beleşte. Sez, Qazan Rusiäneñ başqalası statusın aluğa niçek qarıysız.

Min Qazannıñ rusiä başqalası buluına qarşı. Menä uzğan yıl Qazannıñ 1000 yıllığı uzdı häm şunnan soñ Qazan bik tanılğan, bilgele şähärgä äylänep kitte.

Miña mondıy fiker oşap betmi. Minemçä, bolay bulırğa da mömkin tügel. Rusiäneñ başqalası Mäskäw buldı häm şulay bulıp qalırğa tieş. Bu barı tik buş süz genäder dip uylıym min.

Min qarşı, ägär Qazan Rusiäneñ başqalası bulsa Qazanda bäyälär kütäreläçäk.

Min bu fikergä qarşı kiläm, ägär dä xäzer Qazannı Rusiä başqalası itep bilgeläsälär, ä bezneñ tatarlarnıñ tuplanğan cire qayda bulır mikän? Menä şundıy soraw kilep basa. Min moña bik tiskäre qarıym.

Min Qazannıñ Rusiäneñ başqalası buluğa uñay mönäsäbättä, bu fiker ğämälgä kersä, bezneñ şähärebez tağın da maturlanır, yämläner ide. Annan soñ Qazannıñ meñ yıllıq tarixı bar, ul da aña säbäp bulıp tora torğandır. Şuña kürä Qazan xaqlı räweştä Rusiä başqalası buluğa layıqlı.

Rusiä başqalası berqayçan da Qazan bula almıy. Min moña ışana almıym.

Gölnaz Şäyxetdin

XS
SM
MD
LG