Rusiä däwlät duması saylaw bülletennärendäge barlıq namzätlärgä qarşı tawış birüne tıyuçı qanunnı berençe uqılışta xupladı.
Bu qanunnı yaqlawçılar ul saylawçılarnı tawış birgändä cawaplıraq bulırğa etäräçäk di.
Dumanıñ Konstitutsion Qanun komitetı räise Vladimir Piligin qanun tawış birüçelärne saylarğa etäräçäk dide.
"Säyäsi qaraşlarnıñ barlıq qatları da, ä ul bik zur tügel, uñ, sul häm urtaçıl qaraşlar, barısı da Rusiä federatsiäsendä qanun qısalarında eşläwçe säyäsi partiälärdä çağıla" dide Piligin.
Tänqitläwçelär isä bu qanun näticäsendä saylawçılarnıñ tawış birüdä qatnaşuı kimiäçäk di. Elekke saylawlarda barısına da qarşı dip tawış birü säyäsi partiälärgä protest belderü dip qabul itelde.
Bu qanunnı barlığı 352 deputat yaqladı. Kimendä 226 tawış kiräk ide. Oppozitsion partiälär aña qarşı çıqtı.
