Ğiraqtağı AQŞ xärbiläre süzçese general mayor William Caldwell äbü Musab äz-Zärqäwi amerikan hawa höcümennän isän qalğan häm amerikan köçläre kilep citkändä dä isän bulğan din belderde.
Bağdadta xäbärçelär aldında çığış yasap Caldwell ğiraq politsiäse höcüm urınına berençe bulıp kilep citkän häm Zärqäwine yaralılarnı taşıy torğan qabıqqa salğan. Soñraq AQŞ xärbiläre kilep anı tanıp alğan.
Caldwell AQŞnıñ Fox News televideniesenä Zärqäwi AQŞ köçläreneñ kilüen kürgäç, küräseñ qaçarğa tırışıp qabıqtan töşärgä mataşqan dide.
Coldwell äytüençä, Zärqäwi qısqa häm añlaşılmaslıq itep nider äytkännän soñ küp tä ütmi ülgän.
Anıñ äytüençä Zärqäwi tänendä yara ezläre tabılmağan.
