Guantanomo tormäsendä terror qıluda şiklänelgän 3 totqınnıñ üle ğäwdäläre tabıla. AQŞnıñ xärbi citäklege beldergänçä, alar üz üzen ütergän. 3 keşeneñ ikese Sägüt Ğäräpstanı watandaşları, berse – Yämän keşese. Kubada urnaşqan Guatanomi bazasında 460lap keşe totıla. Alar Al-Qayda häm Taliban belän bäyle buluda şiklänelä.
Amerika Prezidentı George Bush totqınnarıñ üz üzen üterülärenä qarata borçılu belderde. Bush, mäyetlär belän, bu keşelärneñ göref ğädätläre quşqança eş itärgä kiräk, dip äytte.
Xoquq yaqlaw oyışmaları, şul isäptän “Amnesti İnternational” fikerençä, totqınnarnıñ üz üzen üterüläre, alarnıñ Guantnamo bazasında bik ozaq totıluı häm xärbi totqınnar häm cinäyätçelärgä birelä torğan xoquqlardan da mährüm buluınıñ näticäse. Xoquq yaqlawçılar Quşma Ştatlarnı bu törmäne yabırğa çaqırdı
