Accessibility links

шимбә, 3 декабрь 2016, Казан вакыты 12:47

Bolğarğa säyäxätneñ bıyılğı üzençälekläre


Bolğar cirendä İslam dinen qabul itüneñ 1100 yıllığında Tälğät xäzrät Tacetdinnıñ yalqınlı çığışı barlıq xalıqqa bik oşağan ide.

Ämma annan soñ möftiebezneñ qayber añlaşılmağan süzläre häm ğämälläre möselmannar arasında rizasızlıq tudırdı häm qapma-qarşılıqqa säbäp buldı.

Tälğät xäzrät Tacetdinnıñ qaqşağan abruyın saqlap qaluda anıñ tarafınnan oyıştırılğan Şähri Bolğarğa säyäxätlär zur yärdäm itep kilde. Qızğanıç ki bu çara waqıtında oyıştırılğan plenumnar kübräk qarşı yaq din ähellären faş itü öçen qullanıldı. Şähri Bolğarğa kilgän barlıq möselmannarnı da ul üz tarafdarları dip iğlan itte.

Mondıy väzğiyät bıyılğı säyäxätçelärdän säfärneñ şäxsi mäğnäsen häm maqsatın soraştırırğa etärgeç birde. Baqsañ, küpçelek tarixıbıznı barlaw maqsatı belän kilgännär, baytağı İslam dinen qabul itkän İzge cirdä imanğa yaqınayunı küzallağannar. Barı tik 4 keşe genä bu säfärne Keçe Xac dip atadılar. Dimäk süz qaysı möfti tarafdarı bulu turında tügel ikän.

Ä Sember ölkäseneñ “Bolğar yañarışı” oyışması aktivistları barğanda avtobuslarda bezneñ tatar tügel, ä bolğar ikänebezne raslawçı notıqlar tottılar. Ä xalıq arasında şuña bağışlanğan kitaplar häm törle kürgäzmä äsbaplar tarattılar. Anıñ östäwenä Yaqutiä-Saxa, Tön'yak Osetiä – Alaniä ürnägendä bezneñ respublikanı da Tatarstan-Bolğarstan dip atawnı sorap Tatarstan citäkçelegenä möräcäğätkä imzalar cıydılar.

Tälğät xäzrät Keçe Manara yanında ğomum Täwbä qıldırğan waqıtta Olı manara yanında Bötendönya tatar kongressı Başqarma komitetı oyıştırğan çara başlandı. Anda yañğırağan tirän eçtälekle çığışlar, yalqınlı şiğerlär berkemne dä bitaraf qaldırmağandır.

Moña qädär üzara yaxşı mönäsäbätlär belän ğorurlana almağan Ğosman häm Tälğät xäzrätlärneñ böten xalıq aldında yänäşä basıp toruı, dustanä äñgämäse Rusiä möselmannarınıñ berdämlegenä nigez birä ala digän ömetlär dä uyattı. Häm iñ möhime – İzge cirgä zirat qılunı oyıştıruda monopoliägä çik quyıldı. Monıñ öçen Bötendönya tatar kongressına räxmätlärdän başqa süz yuq.

Ayrat İbrahim, Sember

XS
SM
MD
LG