Accessibility links

якшәмбе, 11 декабрь 2016, Казан вакыты 05:27

İran üzeneñ atom programmasın tikşerügä haman da qarşılıq kürsätä


Dönya Atom Energiä İdaräse başlığı Möxämmät äl-Baraday İran haman da üzeneñ atom programmasın tikşerügä qarşılıq kürsätä dip belderde. ÄlBaraday Könbatışnıñ İran atom programması krizisın çişü öçen täqdim itkän qısıqsındıru çaraların xupladı. Ul monı bügen Venada Xalıqara Atom Energiä İdaräse şurası utırışın açu çığışında äytte. Bügen Yewropa Berlegeneñ tışqı säyäsät öçen cawaplı yuğarı wäkile Javier Solana AQŞ, Fransiä, Germaniä, Britaniä, Rusiä häm Qıtaynıñ täqdimenä İran bu atnada cawap birer dip kötüen belderde. Ämma bügen İran tağın ber märtäbä üzeneñ uran bayıtu xoquqı turında söyläşülär ütkärmiäçägen äytte. Şulay da İran xökümäte süzçese Ğöläm Xösäin İlham Tähran alğa taba ber adım bulğan bu täqdimne tulısınça öyränä dide.

XS
SM
MD
LG