Accessibility links

сишәмбе, 6 декабрь 2016, Казан вакыты 13:10

Ukrainanıñ Äflisun inqilabı berektäşläre yañadan tuplana almıy


Ukraina prezidentı Viktor Yuşçenkonıñ Bezneñ Ukraina partiäse elekke Äflisun inqilabı berektäşlären berläşterep yaña xökümät koalitsiäse tözüdä uñışqa ireşü mömkin tügel dide. Mart ayında ütkän parlament saylawlarında ber partiä dä xökümät tözü öçen kiräkle küpçelekne yawlamadı. Şunnan birle Bezneñ Ukraina partiäse, elekke premyer ministr Yulia Timoşenko partiäse häm Sotsialist partiä yaña koalitsion xökümät tözüne suzıp kilä. Söyläşülär Sotsialistlar parlament räise urının taläp itü säbäple uzğan atna axırında tuqtalıp qaldı. Sotsialistlardan başqa koalitsiä parlamentta citärlek tawışqa iä bulmıyaçaq. Timoşenko Bezneñ Ukrainanıñ parlament räise urının birergä telämäwe koalitsiä tözü söyläşülärennän çığuğa häm saylawlarda iñ küp tawış cıyğan Rusiä yaqlı Regionnar partiäse belän eş başlarğa säbäp buldı dide.

XS
SM
MD
LG