Accessibility links

якшәмбе, 4 декабрь 2016, Казан вакыты 05:09

İrek Arslanov: Qazanda tatar tele üseşe öçen barlıq şartlar da tudırılğan


Qazanda yäşäwçe xalıqlarnıñ tellären saqlaw, öyränü häm üsterü programmasında bilgelängännärneñ barısı da ütälsä, tatar tele şähärdä ikençe sortlı bulmas ide. Çärşämbe könne älege programma turında Qazan şähäre tellär üseşe häm cämäğätçelek belän elemtägä kerü bülege citäkçese İrek Arslanov

Älege programmanı yılına ike tapqır Başqarma komitetı utırışında häm ber tapqır deputatlar yanında qarıybız. Bu xisap räweşendä bara.

İğtibar itäse mäs'älälär küp. Çönki bügenge köndä tatar teleneñ Qazanda ügi bulıp qaluı berkemgä dä ser tügel. Ayıruça borçığannarı turında İrek Arslanov

Transportta ike teldä söyläw öçen maxsus caylanmalar quyıldı. Şulay uq säwdä ölkäsendä, kibetlärgä iğtibarnı arttırırğa kiräk.

Balıq başınnan çeri di. Utırışta iñ berençe bulıp xakimiät dairäsendä, yäğni citäkçelärneñ tatar tele qullanışın arttırırğa kiräklegenä basım yasaldı. Çönki bügen barı Qazan Duması sessiäsenä genä qararlar tatar telendä äzerlänä, ä qalğan barlıq käğäz eşläre rus telendä. İrek Arslanov

Barlıq tatarça kilgän xatlarğa tatarça cawap birelergä tieş. Şulay uq xalıqnı qabul itü waqıtında da tatarça eşläw zarur. Citäkçelär tatar telen belmäsä kurslarğa yörergä tieşlär

Qazanda tatar tele üseşe öçen barlıq şartlar da tudırılğanı äytelde. Qızğanıçqa ul kübräk äle dä kuxnya tele bulıp qala. Ägär dä barğan urında sineñ sorawıña däwlät telendä cawap birmäsälär, şähär xakimiätenä möräcäğät itärgä mömkin. Qazannıñ şähär tözeleşe ustavına elmä taqtalarnı, reklamada tatar telen kiñräk qullanu turında üzgäreşlär kertelgän. Şul uq waqıtta şähär tözeleşe komitetında yul kürsätkeçläreneñ döreslege öçen cawap birüçe keşe yuq. Elmä taqtalarnıñ kübese xatalı buluı xaq. İrek Arslanov

Bezdä komissiä bar maxsus xatalar buyınça eş itä torğan. Xalıq xatalar turında anda citkerä ala. Bez isä citäkçelärgä möräcäğät itäçäkbez.

Qazan şähäre tellär üseşe häm cämäğätçelek belän elemtägä kerü bülege citäkçese İrek Arslanov buldı.

Landış Xarrasova

XS
SM
MD
LG