Accessibility links

чәршәмбе, 7 декабрь 2016, Казан вакыты 13:40

Ukrainanıñ koalitsion xökümät tözü söyläşülärenä parlamenttağı barlıq partiälär çaqırıla


Ukrainadağı elekke Äflisun inqilabı berektäşläre arasında yaña koalitsion xökümät tözü söyläşüläre körçekkä terälgännän soñ prezident Viktor Yuşçenkonıñ Bezneñ Ukraina partiäse söyläşülärne parlamenttağı barlıq partiälär belän ütkärergä çaqırdı. Bezneñ Ukrainanıñ bügenge belderüendä mart ayındağı parlament saylawları näticäsendä parlamenqa kergän barlıq säyäsi partiälär söyläşülär östäle yanına utırırğa häm qanun çığaru, başqarma xakimiätlär eşendä qatnaşırğa tieş dielä. Bezneñ Ukraina, elekke premyer ministr Yulia Timoşenko partiäse häm Sotsialist partiä arasındağı söylşülär töp wazıyfalarnı büleşü turında kileşä almaw säbäple uzğan şimbä könne özelde. Bügen kiñ mäğlümät çaraları Bezneñ Ukraina yuğarı citäkçelärennän berse Roman Zvarıçnıñ ni bulsa da koalitsiä tözelergä tieş häm bezneñ partiä başqa partnerlar ezlärgä äzer digän süzlären citkerde. Saylawlarda iñ küp tawışnı Viktor Yanukoviçnıñ Rusiä yaqlı Regionnar partiäse cıydı.

XS
SM
MD
LG