Ğiraqnıñ eçke eşlär ministrlığı köçläre başlığı general mayor Mähdi äl-Ğärräwi başqalada iminlekne nığıtu maqsatında irtägä Bağdadqa distälärçä meñ iminlek xezmätkäre kerteläçäk dide.
Äl-Ğärräwi äytüençä, premyer ministr Nuri Kamil äl-Mälikineñ iminlek çaraları turındağı färmanı bügen kiç ğämälgä kerä.
Xäbärlärgä qarağanda bu çaralarda kimendä 40 meñ ğiraqlı häm xalıqara xärbi qatnaşaçaq.
Mäliki bu çaralar arasında Bağdadqa kilüçe yullarnı saqlaw, sivil xalıqnıñ qoral yörtüen tıyu häm tönge komendant waqıtı buldıru bulaçaq dide.
Bügen Ğiraqnıñ tönyağındağı Kirkük şähärendä şartlatular näticäsendä kimendä 14 keşe hälak buldı. Alar arasında sivillär dä iminlek saqçıları da bar.
