Accessibility links

шимбә, 10 декабрь 2016, Казан вакыты 15:43

“Watanım Tatarstan” Samarda uquçıların barlıy


Samarda qoyaşlı, esse könnärneñ bersendä İdel portına “Jolio Küri” teploxodı kilep tuqtadı. Teploxodnıñ eçe tulı turistlar bulsa da, tatar öçen iñ qäderleläre “Watanım Tatarstan” xezmätkärläre belän tatar yazmışı, gäcitälär tiracı turında fiker alıştılar.

Söyläşüne “Watanım Tatarstan” gäcitäseneñ baş möxärrireneñ berençe urınbasarı Ğäbdelbär Rizwanov açıp cibärde häm “Watanım Tatarstan” gäcitäseneñ qiblasın bolay taswirladı:

“Keşe uqıla torğan bulsın. Keşeneñ küñelenä ütä torğan bulsın häm keşe aşa bulsın ul. Keşeneñ eçendä närsä bar, şunı gäcitägä çığarırğa kiräk. Bezneñ maqsat - tormış niçek, materialnı şulay birergä kiräk. Maqsatıbız - gäcitädä ğäilä cılılığı saqlansın. Xäzer bezne senzura qısaları çiklämi. Bernindi qısu da yuq. Barı üzebezdän genä tora.”

- Tege yäki bu problemnı yaqtırtqanda ni öçen sannarnı Rusiä buylap qına kiteräsez, ni öçen Tatarstan töşep qala?

- Çağıştıtır öçen Tatarstan buyınça da sannar biräbez häm bik yış bu sannar Tatarstan faydasına.

- Çittäge tatarlar Qazanğa qaytqaç küp oçraqta ruxlanıp qaytalar. Küñelläre töşkän çaq-ul Qazanda yäşäwçe tatarlarnıñ öylärenä tatar matbuğatın aldırmaw. “Watanım Tatarstan” gäcitäsen Qazannıñ üzendä taratu öçen nilär eşlisez?

- Qazanda tatar matbuğatın taratuı awır. Min üzem dä bik borçılam. Üzemneñ tuğannar arasında da şul uq xäl. Qazan tatarları rus gäcitäsen aldıralar. Bu bezneñ millätneñ faciğäse.

- Samarğa kilüegezneñ töp säbäbe nidän ğıybarät?

- Soñğı yıllarda uquçılarıbıznı yuğalttıq. Şul uquçılarıbıznı torğızu yözennän kilgän idek.

- “Azatlıq” radiostansiäseneñ tapşıruların tıñlıysızmı, tapşırular turında nindieräk fiker äyter idegez?

- “Azatlıq” radiosı bezneñ millätkä xezmät itä torğan radio. Här kön diärlek tıñlıym. Kiçke 9-da “Azatlıq” tapşıruların tıñlağaç qına yoqlarğa yatam. “Azatlıq” millätebezne berläşterä torğan radio.

Şamil Bahawetdin, Samar

XS
SM
MD
LG