Accessibility links

якшәмбе, 4 декабрь 2016, Казан вакыты 00:59

Başqortstan kardio-üzäksez qaldı


Ufada federäl kardio-üzäk tözelergä tieş ide. Anı tözü turında Rusiäneñ däwlät şurası qararı buldı häm anı Putin da xuplağan ide. Kardio-üzäk başqa töbäktä tözeläçäk. Säbäbe - Ufa merı Pavel Kaçkaevnıñ medetsina üzägen tözü öçen birgän urınğa bäyle. Eş şunda, urın itep kooperativ garajlar bulğan cirne bülgännär. Şunıñ belän ike quyannı atarğa: kardio-üzäk tä tözergä, maşinalar quyu urınınnan da qotılırğa uylağannar. Mäskäw xalıqnıñ ciren tartıp alu çeterekle eş bulır dip sanap, üzäkne başqa töbäktä tözergä qarar itkän. Bu turıda İdel buyı federäl oqruğı başı Aleksandr Konovalov belderde.

Kardio-üzäkne tözü öçen 2 milliard sum aqça qaralğan häm ul 2007nçe yılğa -Başqortstannıñ Rusiägä üz irege belän quşılunıñ 450 yıllığın bäyräm itügä tözelep betärgä tieş bulğan. “Regnum” mäğlümat agentlığı kardio-üzäkne tözü nadan bulmağan şähär başlıqlarına tapşırılaçaq dip xäbär itte. İmeş, Başqortstan Kaçkaevnıñ nadanlığı arqasında kardio-üzäksez torıp qaldı.

Räsmi bulmağan çığanaqlar mäxkämälärneñ xakimiät kesäsendä buluın iskä töşerep, garaj xucaların mäxkämä bik tiz sındırır ide, Mäskäw Başqortstan mäxkämäläre qodräten belmi dip ireşterä.

XS
SM
MD
LG