Accessibility links

дүшәмбе, 5 декабрь 2016, Казан вакыты 05:38

Ğiraq xökümäte ğisyançı törkemnär belän söyläşülärgä äzer


Ğiraq premyer ministrı Nuri äl-Mäliki Ğiraqtağı säyäsi protsesslarğa quşılırğa telägän qayber ğisyançı törkemnär belän söyläşülär ütkärergä teläk belderde. Bağdadta xäbärçelär belän oçraşuda Mäliki şulay uq barlıq ğiraqlılarnı Bağdadta başlanğan kiñküläm iminlek çaralarına yaqlarğa çaqırdı. Äl-Mäliki härtörle uñaysızlıqlarğa qızğanıç belderde, şul uq waqıtta bu çaralarnıñ maqsatı keşelärneñ ğömeren saqlap qalu dide. Bergäläp Alğa Operatsiäse dip atalğan çaralarda qatnaşu öçen Bağdadqa Ğiraqnıñ häm koalitsiäneñ 40 meñläp xärbie kerä. Küptän tügel äl-Qaidä uzğan atnada AQŞ hawa höcüme näticäsendä Ğiraqtağı äl-Qaidä başlığı Äbü Musab äz-Zärqäwineñ üterelüenä cawap bularaq üç alu höcümnäre belän yanağan ide. İminlek operatsiäse baruğa qaramastan bügen Bağdadnıñ tönyağında bombalı maşina şartlap 2 keşene üterde.

XS
SM
MD
LG