Gruziädän ayırılırğa teläwçe Abxaziä häm Könyaq Osetiä, Moldovadan ayırılırğa teläwçe Dnestr buyı töbäge citäkçeläre Suxumida oçraşıp bäysezlek omtırığlarında ber-bersenä yardäm itärgä dip kileşte.
Abxaziä başqalasında 2 kön barğan oçraşu axırında alar urtaq deklaratsiä iğlan itte.
Abxaziä başlığı Sergey Bagapş, Könyaq Osetiä başlığı Eduard Kakoytı häm Dnestr buyı başlığı İgor Smirnov xalıqlarnıñ üzbilgelänü xoquqı universal häm ul saylap qına qullanılırğa tieş tügel dip belderde.
Alar şulay uq Rusiä ğäskärläreneñ üz cirlärendä qaluın teläwlären belderde. Citäkçelär totrıqlılıq Rusiä tınıçlıq saqçılarınıñ bezneñ cirlärdä toruına bäyle dide. Älege 3 töbäk inde küptännän Rusiä belän tığız elemtädä tora.
