Accessibility links

шимбә, 10 декабрь 2016, Казан вакыты 17:40

Tatar muzıka kafedrası açıldı


15 yün könne TDGPU konsertlar zalında tatar muzıka kafedrası açıluına bağışlanğan zur konsert buldı. Konsertta böten kafedra ähelläre çığış yasadılar häm Miñğol Ğälievneñ klassında uqığan fakul''tet studentları häm anıñ klassında şöğellänä torğan urta mäktäp uquçı yäşlär dä bar ide.

. Konsert programmasında, Tatarstannıñ xalıq artistları häm dotsentlar Lidiä Äxmätova, Miñğol Ğäliev , dotsent Nailä Nurğayanova , fakul''tetnıñ ölkän uqıtuçısı Zölfiä Şärifullina häm fakul''tetta uqığan törle festival''lärdä laureat bulğan . studentlar qatnaştı. . Tantananı Gölçäçäk Salimcanova alıp bardı.

Konsertta qatnaşuçılar arasında fakul''tetta uqıp çıqqan artist Räsim Nizamov, Mödäris Säyfetdinov tä tamaşaçını moñlı cırları belän şatlandırdı. Konsertqa, universitetnıñ rektorı Cämil Nigmatov häm prorektorlar, dekannar qunaq itep çaqırılğan.

14 iyün könne universitetnıñ muzıka fakul''tetında Miñğol Galiev klassında uquçı studentlarnıñ konsertı bulıp ütte. Konsertta 7 yäştän alıp 76 yäşkä qädär, 20 artıq cır söyuçelär tatar cırların başqardılar. Anda törle millät balaları bar ide.

Respublikanıñ ictimaği “Mäğärif” assotsiatsiäse isemennän Göländäm Yaqupova Miñğol Ğäliev belän Zölfiä İbrahimovağa maqtaw käğäze tapşırdı. Ä Miñğol Ğälievkä tağın Tatarstandağı Azerbaycan milli oyışmasınıñ räxmät xatı birelde.

Konsert turında tamaşaçı fikeren dä tıñlıyq äle. Qıtaydan kilgän Tursuntay Ğäliev söyli.“Min bik ğorurlanam şuşılay bergäläşep, Tatarstanda tatarça konsertlar qarawıma Konsert bik küñelle ütte. Minem dä ulım häm qızım bar alar da cırlıylar KGU da uqilar , läkin anda imtixan birü säbäple , bu konsertqa kilä almadılar.

Qazan şähäreneñ “ Mäğärif” komitetı räise Ğäliäskär Xämitov fikere. Miñğol Ğäliev- ul mäğärif komitetı äğzası da, mädäniät ölkäsendä zur öleş kertüçe şäxes, ul ğalim, ul uqıtuçı. Anıñ meñlägän uquçıları bar. Anıñ äle tatar xalqına mädäniät ölkäsendä tağın da küp öleş kerterlek köçe bar ,-.dide ul

Bu çaralarnı ütkärgän küptän tügel genä açılğan tatar muzıka kafedrası mödire, professor Räğdä Xalitov bu kafedranı açu maqsatı turında bolay dide:

. Törle töbäklärdän cıyılğan balalarnı tatarça muzıkağa uqutunıñ mäğnäse şunnan ğibärät – alar tatarça matur itep söyli, cırlıy belergä tieşlär häm teoriäne dä tatarça öyränergä tieşlär. Bezneñ universitetta uqığanda mäktäplärdä tatarça praktikanı da ütärgä tieş. . Şulay uq muzıkal'' pedagogikanı, muzıkal'' psixologiäne , klassik häm xalıq pedagogikasın öyränep,häm tağın da ictimaği fälsäfi fännärdän belem alıp artist däräcäsenä citep, belemnären mäktäplärdäge balalarğa citkerä torğan muzıkant- pedagog bulıp citeşergä tieş” dide ul.

Sez Räğdä Xalitovnı tıñladığız.

Ä axırda universitetta bulası tağın ber çara turında .

30 iyündä TDGPU “Yäş''başqaruçılar” festivalen ütkärä. Festival''neñ maqsatı sälätle yäşlärne muzıka fakul''tetına uqırğa çaqıru .

Bu festival''dä gomum belem birü mäktäplärennän 9-11 sıynıf uquçıları, muzıka häm pedagogiä kölliätlärendä uquçı, muzıkağa häwäs yäşlär qatnaşır dip kötelä. Festival''dä qatnaşuçılar üzläreneñ sälätlären törle muzıka qorallarında uynap ta, cır aşa da kürsätergä mömkin.

Mälikä Basıyr

XS
SM
MD
LG