Accessibility links

якшәмбе, 11 декабрь 2016, Казан вакыты 05:12

Narkoman - militsiä kiemendä


Çallınıñ narkotiklarğa qarşı köräşüçe militsionerları, uñışlı operatsiä ütkärdelär. Anıñ näticäse şundıy - 720 gramm narkotik qullanuçılarğa barıp citmäde, yäğni, militsiä tarafınnan totqarlanıp, yuq iteläçäk. Ütkärelgän operatsiädän şunısı ğına mäğlüm, Qazanda, 29 yäşlek adäm, narkotik alıp satarlarına tieşle "aq ağunı" 230 meñ sumğa Çallı militsionerlarına "satalar". Narkotik küläme älläni zur bulmasa da, eçke eşlär xezmätläre öçen bu çınnan uñış. Çönki, narkotiklar belän säwdä itüçelärne totu qıyınlaşa bara. Mondıy säwdägärlär militsiä xezmätkärläre arasında da bar ikän. Soñğı könnärdä genä şul mäğlüm buldı, şähärneñ üzäk eçke eşlär bülegeneñ baliğ bulmağan balalar belän eşläw bülege inspektorı, ul xatın - qız, narkoman bulğan. Üsmer balalar belän şöğellänergä tieşle inspektor xanım, narkotiklar qullanu ğına tügel, anı satu belän dä şöğellängän. Älbättä, militsiä forması kigän narkoman häm säwdägärne qatı cäza kötä, digän fiker tuarğa mömkin. Läkin, älegä cäza turında süz barmıy. Şähär eçke eşlär idaräseneñ matbuğat üzäge xezmätkärläre bu waqiğanı artıq quyırtırğa telämilär kebek, Azatlıq xäbärçesenä xanımnıñ isemen äytmädelär, barı tik, anıñ orğannarda bik az eşläwen häm kiläçäktä andıylarnıñ militsiädä eşläwenä yul quymasqa tırışaçaqların ğına belderdelär. Räsmi bulmağan mäglümätlär buyınça, elekke inspektorğa cinayät eşe quzğatılmağan, ul barı tik eşennän quılğan.

Xuş, OKA!

Çallıda çığa torğan "OQA" maşinaları yazmışı turında "Azatlıq" mäglümätlär birep tordı. Bu avtomobil''lärne yaratuçılar, "OKA"larnı saqlıyq" digän däräkät oyıştırıp, prezident V.Putinğa da möräcäğätlär yulladı. Läkin faydası bulmadı Bötenrossiä külämendäge şuşı xäräkät aktivistları 1 iyül könne zavod yanında miting ütkärü turında belderü yasadılar. Ni öçen 1 yül ? Näq menä şuşı könne Çallıda Okalar çığudan tuqtayaçaq. Mäñgelekkä. Oyıştıruçılar äytüençä, Miting zavodqa qarata oppozitsion häm radikal bulmayaçaq, çönki, "OQA"larnı çığarmaw häm kire qaytmaslıq itep qabul itelgän.Şunlıqtan, Çallı maşinasına xuşlaşu häm räxmät süzläre genä äytergä telibez, dilär. Şulay uq, zavod eçendä "OQA"ğa häykäl quyu da küzdä totıla.

Ğafiulla Ğaziz, Çallı

XS
SM
MD
LG