Accessibility links

сишәмбе, 6 декабрь 2016, Казан вакыты 08:50

Maxsus xezmätlär kiräk, läkin …


Maxsus xezmätlär wäkilläre Qazanğa cıyılu uñayınnan “Azatlıq”nıñ “Açıq mikrofon”ı başqala xalqına “Maxsus xezmätlär kiräkme, alarğa mönäsäbätegez?” – digän soraw birde. Bu soraw küplär öçen kötelmägän soraw buldı. Läkin şuña da qaramastan cawaplar törle ide. Student yeget: - Maxsus xezmätlärneñ yäşlärgä älläni faydası yuq ta inde. Bezneñ iregebezne qısmasalar, yäşäsennär. Ölkän yäştäge apa: - Tärtip kiräk, xoquq saqlawçıları da başqası da kiräk. Şunnan başqa süz äytä almıym inde min, qartaydım inde… Yäş yeget: - Ägär xoquq saqçıları bulmasa bik küp tärtipsezleklär kilep çığarğa mömkin. Alar tağın da kübräk kiräk äle, narkomannarnı, başqa tärtip bozuçılarnı qısar öçen… Xoquq saqçıları bulmasa ildä tärtip bulmas ide. Urta yäşlärdäge abzıy: - Xoquq saqçıların tulısı belän tärtip urnaştıralar dip äytmäs idem. Çönki alarnıñ kübese citäkçelärne xalıqtan, başqa bälä-qazadan saqlıy. Ä menä xalıqnı saqlawçı yuq, ul bernindi bälädän da kemder tarafınnan saqlanmıy yäşi birä. Pensioner apa häm urta yäşlärdäge xanımnar: - Maxsus xezmätlär kübräk bezneñ aqçanı talawçı türälärne totsınnar ide. Aqçanı az birälär, tikşersennär ul talawçılarnı elek tikşerälär ide bit. Xannar bik küp bezneñ xannar, menä alarnı da tikşerergä ide, eşçe keşelärneñ aqçasın talıy bit alar. Keşe azdı inde xäzer, şuña da maxsus xezmätlärsez yäşäp bulmas … Maxsus xezmätlär wäkile, döresräge xoquq saqlawçı: - Kiräk, bez härwaqıt härkemgä kiräk. Şunıñ belän şul. Bar, bar xäzer tay monnan, änä başqalardan sora! Röstäm İsxaqi

XS
SM
MD
LG